விவாகரத்து

 கல்லானாலும் கணவன் புல்லானாலும் புருஷன் என்பதெல்லாம் இன்றைய காலத்தில் வெறும் வாய் வார்த்தைகள் தான். ஆனால் அன்றைய காலங்களில் பெண்களை வளர்க்கும் போதே நாளை போக போற வீட்டில இப்படி மகாராணி மாதிரி எல்லாம் இருக்க முடியாது எல்லா வேலையும் நீ தான் பார்க்கணும் இப்பவே ஒழுங்கா கத்துக்க அப்படி தான் அம்மா திட்டி திட்டி வளர்த்தாள்.

பெண் வாழ்வில் என்ன படித்து தெரிந்திருக்க வேண்டுமென்றால் சமையல் தான். ஆனால் இன்றைய காலம் எத்தனையோ மாறியுள்ளது. ஆண்கள் செய்யும் தொழில் முதல் அவர்கள் அடிமட்டத்தில் செய்யும் சுமை தூக்கும் பணி கூட பெண்கள் செய்கிறார்கள். 

இது அவர்களுக்கு சவாலானா செயலா என்றால் இல்லை. அவர்களால் இதை மிஞ்சி பயணிக்க முடியும் என்று அறிந்த ஆண்கள் அன்றைய காலத்திலேயே அவர்களை அடிமைகளாகவும், ஒரு ஆபாச கண்காட்சிகளாகும், சிற்றின்ப போதை வஸ்துக்களாகவும் தங்கள் தேவைக்கு அவர்களை மாற்றி வைத்துக் கொண்டனர்.

அவளுக்கு இன்றளவும் முழு சுகந்திரம் கொடுக்கப் படவில்லை. நாம் மீடியாவில் பார்ப்பது தான் உலகம் என்று நம்பிக் கொண்டு இருக்கிறோம். ஆனால் உண்மை என்னவோ அதுவல்ல. 

நாம் மீடியாவில் பார்க்கும் பெண்களும் கூட பல போராட்டம் கடந்து தான் இன்றைய நிலையை அடைந்துள்ளனர். அவர்கள் வெளிப்படுத்தும் வார்த்தைகள் தான் இன்றைய கிராமப் புறப் பெண்களை பெண் அடிமைத் தனைத்தில் இருந்து வெளி வரச் செய்திருக்கிறது. 

ஆனால் அதற்கும் விவாகரத்துக்கும் என்ன சம்பதம் இருக்கிறது என்றால்! என்னை பொறுத்த வரை விவாகரத்து கோரும் பெண்கள் எல்லாம் சுகந்திரத்தை விரும்புகிறார்கள் என்று தான் அர்த்தம். 

அல்லது ஆணின் பிற பெண்களுடான தொடர்பு, உனக்கு ஒரு நியாயம் எனக்கு ஒரு நியாயமா என்ற அகத்தூண்டல் கொண்ட கேள்விகள் தான்.

இன்றைய காலங்களில் பல விவாகரத்து என்பது நடந்தாலும் நமக்கு தெரிவது பல சினிமா நாயகர்களின் விவாகரத்துத் தான். 

அவர்கள் எடுக்கும் முடுவு சரியா தவறா என்ற ஆராட்சிக்கு நாம் போக வேண்டாம் என்றாலும். நடுத்தர குடும்பத்தில் வாழும் பல பெண்கள் இன்றைய சூழ்நிலையை பார்த்து அவர்களுக்குள் எழும் சின்ன குழப்பங்களுக்கும் தீர்வு காணாமல் உடனடியாக விவாகரத்து வாங்கி விட வேண்டும் என்ற மன நிலையில் உள்ளனர்.

அத்தகைய எண்ணம் கொண்டவர்கள் இது போன்ற பிரபலங்களின் விவாகரத்து செய்தி அவர்களை உடனடி தீர்மானம் எடுக்க வைக்கிறது.

ஒரு பெண் காலம் முழுவதும் ஒருவனை மாத்திரம் தான் சார்ந்து இருக்க வேண்டும் என்று எந்த நிபந்தனையும் இல்லை. ஆண்கள் பல பெண்களுடன் உல்லாசம் கொள்வதுபோல இன்றைய பெண்களும் தங்கள் வாழ்வியல் சூழலை அப்படி மாற்றிக் கொண்டார்கள் என்பதில் எந்த மாற்றுக் கருத்தும் இல்லை. 

தனித் தனி உணர்வுள்ள மனிதர்களுக்கு பொதுவான வாழ்வியல் சூழல் ஏற்றதல்ல ஆனாலும் சமூகம் அந்த சூழலை சட்டம் என்று வகுத்து வைக்கும் பட்சத்தில் அனைவரும் சட்டத்தின் விதிமுறையை மதிப்பது போல, மறைமுக உறவில் ஈடு படுகின்றனர் அவ்வளவு தான். 

மனித மனம் நன்றாக வாழ வேண்டும் என்ற எண்ணத்தில் தவிப்பது. அது இருப்பதை கொண்டு வாழ நினைப்பது இல்லை. அது ஆணாக இருந்தாலும் பெண்ணாக இருந்தாலும்.

முந்தைய காலங்களில் இந்த வேறுபாடு பக்கத்து வீட்டுக் காரர்களுடன் இருந்து வந்தது. நான்கு பெண்கள் கூடி என்னடி சாவுத்திரி புது கம்மல் வாங்கிருக்கா உன்னோட புருஷன் ஒன்னும் உனக்கு வாங்கி தரலியா என்றதும் பதிலுக்கு ரேவதி அவளுக்கு என்ன அவள் புருஷன் அரசாங்க உத்தியோகம். என்னோட புருஷனுக்கு கூலி வேலை தானே அவரு வேலைக்கு போய்ட்டு வந்து கலைப்புல தூங்கிடுறாரு, என்னோட சந்தோசமா இருந்தே ரொம்ப நாள் ஆச்சி

இதுல ஒட்டியாணம் மூக்குத்தி எல்லாம் எதுக்கு. ஒரு நாள் என்னோட சந்தோசமா இருந்தா போதும் என்றாள். கோமதி ரேவதியிடம் என்னோட புருஷன் தம்பி எப்பவும் வெடப்பா தான் திரியுறான் உன் வீட்டுக்கு அனுப்பி வைக்கவா என்ற கோமதியின் கன்னத்தில் செல்லமாக அறைந்து ஒருவருக்கொருவர் சிரித்துக் கொள்கிறார்கள். 

அன்றைய சூழ்நிலை வேறு இன்றைய சூழ்நிலை வேறு. காலத்தோடு பயணிப்பது என்பது மட்டுமே நன்மை.

ஆனால் விவாகரத்து ஒரு தீர்வாகாது, அனைத்துப் பிரச்சனைகளுக்கும். கொஞ்சம் அனுசரித்து நம் நிலமையை கணவனுக்கு புரிய வைக்கலாம். ஏதும் ஏற்றுக் கொள்ளும் மனநிலையில் எதிர்தரப்பு இக்லையென்றான பொழுது அதன் பிறகான முடிவு அவரவர் தனிப் பட்ட முடிவாக இருக்க வேண்டும். யாருடைய இடை சொருகலும் இருக்கக் கூடாது.